Calik dina bangbarung
Anteng ngahurun barung
Nyawang anu ngalangkung
Sedih manah na nguyung

Emut ka sang panutan
ngantun mang bulan bulan
Lami taya nyeratan
Wartos di medan perang

Nanging nu geulis sabar
Sarta manah na sabar
Pasrah ikhlas tur rela
Jujur sarta satia

Nyanggem lebet manahna
Aduh Engkang iraha
Tepang sakulawarga
Mulih ti medan laga

Abdi nu ngantos ngantos
Mugi paparin wartos
Namung abdi tos pasti
Engkang lanang sajati

Najan urang tos pasti
Langgeng teuteup miasih
Batin teuteup pacakeut
Sareng nu dipimeumeut