Eh Banondari anu denok anu montok
Matak moho matak pogot
Nu geulis mani amis
Nu endah matak kabita duh geulis (I love you darling)
Ngan hanjakal Nyai teu kaopan
Gampil bendu mun kasinggung perasaan
Tutunjuk bari neuteuli nyarios bari nyoroscos
Ce-ce-ce-cerewed lir manuk toed noed
Najan kitu diri Nyai tetep narik
Imutna matak kapincut ilatna matak tibelat
Lambey ipis lir kueh lapis mun digegel tangtu amis
Aduh tobat Nyai
Aso lali wa owa eng
Aso aso aso lali wa owa eng
Aso lali wa owa eng
Aso aso aso lali wa owa eng
Engkang, sembaheun abdi Narpati nu gagah sakti
Nyai kumaha kumaha geulis

Engkang teh jago ngarayu perceka mikat wanita
Teu perduli aya nu boga engkang
Di dunya taya duana pameget nu kawas engkang
Waruga jalugjug jangkung ngajedig halisna kerung
Purah ngudag-ngudag bikang aduh engkang
Diraksukan ku henteu matut
Dilancingan oge randutdut
Kumis cokrom buuk gondrong
Lir barongsay keur ngadangong
Aduh engkang (alah akang siga barongsay)

Eh Banondari ulah kitu
Cinta engkang teh saestu lain cinta imitasi
Tapi cinta nu sajati
Cinta engkang mah teknologina ca-ca-canggih geulis
Cinta engkang dijamin moal rek luntur cintaku hanya untukmu
Dunya brana teu kabilang
Neundeun duit di unggal bank emas inten golondongan
Kop teh tah kabeh keur nyai
Bisi hayang pelesiran langlang jagat
Bari shopping ka unggal nagara
Ka Jepang eujeung ka Hongkong
Ka New York eujeung ka Paris
Atawa rek ka cilincing
Pek atuh geura balaka
Kahayang mah pasti aya
Asal bener cinta ka akang
Aduh tobat geulis
Aso lali wa owa eng
Aso aso aso lali wa owa eng
Aso lali wa owa eng
Aso aso aso lali wa owa eng
Engkang (apa sayang)
Engkang teh geuningan bodo
Ngarayu carana kuno
Nyombo bari ngolo-ngolo engkang
Cinta sanes komoditi teu bisa dibeuli-beuli
Najan ayeuna keur trendi
Atawa ditawar-tawar najan dibayar ku dollar
Abdi mah da henteu hayang
Aduh engkang playboy
Aduh playboy aduh playboy engkang
Pameget mah di mana-mana ge sami
Eukeur bogoh sok kokorowot
Eukeur geugeut keukeureuweut
Mun can beunang panasaran
Engkang panasaran