Di Borngin Ni Ari I
Torang Muse Do Bulan I
Marroan Mada Dongan I
Jugukma Hami Di Alaman I

Hutatap Mada Bulan I
Maridopan Bintang I
Tarbayang Au Di Rupomi
Ho Juguk Di Lambungki

Juguk Au Martukko Lisang
Pikiran Ma Layang Layang
Dosar Dosar Tarottokki
Hu Ingot Hita Namargiri I

Siginjang Ni Galunggung
Batangna Sarupa Bolon
Sasadari Au Na Malungung
Andus Torangma Gres Tarpodom

Ho Anggi Na Jogi
Na Ginjang Mada Obukmi
Sampema Tu Tambihulmi
Inda Jenuh Au Namaligi

Landong Na Di Bibirmi
Sangat Jogi Do Rupomi
Modom Au Marnipi Nipi
Ho Do Ubat Ni Lungunki

Bahat Do Bujing Bujing
Di Kota Mandailing On
Inda Au Na Salah Ligi
Ho Mada Na Paling Jogi

Gari Adong Gari Bahu
Sandang Ma Garigit I
Sugari Ho Saut Di Au
Hu Taru Paridionmi

***

Ho Anggi Na Jogi
Na Ginjang Mada Obukmi
Sampema Tu Tambihulmi
Inda Jenuh Au Namaligi

Bahat Do Bujing Bujing
Di Kota Mandailing On
Inda Au Na Salah Ligi
Ho Mada Na Paling Jogi


Sugari Ho Saut Di Au
Hu Taru Paridionmi